KAARTJIESDAGKURSUS
Die kaartjiesdagkursus het sy ontstaan, as gevolg van die feit, dat baie van ons “onseker” voel van hoe en waar om te begin met die maak van ’n kaartjie.  Die meeste van ons het nie ’n formele kunsopleiding nie en voel dat ons êrens te kort skiet.

Wel, dit is nie net vir die sogenaamde “kunstige” mense beskore om skeppend te wees nie, maar ons álmal mag die voorreg daarvan geniet.

Hierdie kursus maak die deur van onsekerheid oop en stel baie dinge in perspektief – die sogenaamde wipplank tot  kreatiewe denke en baie ander skeppende aktiwiteite.
PAPIERSOORTE:

Daar is 'n groot verskeidenheid van verskillende papiersoorte.
Ons gaan tydens die klas 'n bietjie aandag gee aan die geskiedenis van papier en ook hoe om te kies wanneer om watter soort papier te gebruik.
GEREEDSKAP EN SNYGEREEDSKAP:

Dit speel 'n belangrike rol by die maak van kaartjies.
Alles word mooi stap-vir-stap verduidelik en sal definitief help met die keuse vir die aanskaf van enige gereedskap.
Goeie gereedskap is beslis 'n aanwins en 'n moet vir goeie resultate.

GOM EN KLEEFMIDDELS:

Wanneer om watter gom/kleefmiddels te gebruik is vir menige persone 'n groot probleem.
Daar is so baie verskillende soorte beskikbaar dat dit 'n mens heeltemal kan verwar.
Tydens hierdie dagkursus gaan daar baie aandag gegee word aan kleefmiddels.
UITLEG EN ONTWERP:

Dit  speel 'n baie belangrike rol by die beplan-ning van enige werkstuk.  
Kom maak kennis met die "goue reël" om dinge op 'n logiese manier in perspektief te stel.
KLEUR EN KLEURGEBRUIK:
 
Kleur is 'n baie belangrike aspek.
Dit is goed om jou kleurwiel mooi te verstaan.
Hoeveel van ons ken die kleurwiel uit ons kop en wie van ons verstaan kleur werklik?
Daarom gaan ons die kleurwiel mooi ontleed en bespreek.
Kleur het vertolkende waarde en moet nie onderskat word nie.
Tydens die Kaartjiesdagkursus word daar aandag gegee aan bogenoemde teorie waarna daar vooruitgewerkte pakkette uitgedeel word - projekte gaan gemaak word waarby bogenoemde punte toegepas gaan word.
 
Nie net alleen is dit ’n dag van dink en beplan nie, maar ook ’n dag van ’n bietjie bederf.  Heerlike koek en tee en ‘n ligte middagete gaan bedien word.
 
Die klas begin om 08h00 en eindig om 16h00 – die kostes beloop R490 p.p. wat die verversings, pakkette en klasnotas insluit.

Die klas is volledig ingerig, dus niks hoef saamgebring te word nie – die meeste van die produkte sal beskikbaar wees in die winkeltjie en dié wat wil is welkom om na die tyd daarvan aan te koop.